Breaking News

औरंगाबादेतील प्रसिध्द हरसिध्‍दी देवी, हर्सुल परीसर



औरंगाबाद शहराजवळ असलेल्या हर्सुल येथे हरसिध्दी मातेचे प्राचीन मंदिर म्हणजे पुरातन वास्तुकलेचा एक उत्कृष्ठ नमुना आहे. हसरूलवासीयांची कुलदेवता म्हणजे हरसिध्दी माता ही आहे. नवरात्रोत्सवात संपूर्ण राज्यभरातून भाविक या देवीच्या दर्शनासाठी येथे येत असतात. कोणत्याही समारंभाप्रसंगी प्रथम देवीचे दर्शन घेण्याची प्रथा येथे आहे. नवराञीच्या काळात भरगच्च्‍ा असे कार्यक्रम हरसिध्दी देवीच्या मंदिरात होतात.



या मंदिराचे वैशिष्ठय म्हणजे देवीच्या चौराहात पालखी मंदिराच्या मागील बाजुस देवीचा मोठा मुखवठा ठेवलेला आहे. कार्तिक पौर्णिमेला हा मुखवटा पालखीत ठेवुन ती पालकी चौराहा परिसरातील देवीच्या मंदिरात आणली जाते. तेथुन वाजत-गाजत देवीची मिरवणुक निघते. या पालखीत शेकडो लोक सहभागी होतात. देवीच्या प्राचीन मंदिराच्या समोरच्या बाजूला रामाचे छोटे मंदिर आहे. या दोन्ही मंदिरामधील विस्तीर्ण भागात रामकुंड आहे. येथेच देवीच्या दिशेने मुख करून बसलेला अतिशय देखणा असा मोठा नंदी आहे. हा नंदी ५ फूट उंच आहे. असे म्हणतात की, भारतात दोनच इतके मोठे नंदी आहेत. एक म्हैसूर येथील चामुंडादेवीजवळील, तर दुसरा हरसिद्धी देवीसमोरील. देवीचे दर्शन घेतल्यानंतर भाविक या नंदीचे आवर्जून दर्शन घेतात.  

हरसिद्धी देवीची अख्यायिका म्हणजे हरसिध्दी देवी तशी मूळची उज्जैनचा राजा विक्रमादित्याची कुलदेवता. विक्रमादित्य राजाला ही देवी प्रसन्न झाली. त्यानंतर त्यास अपार वैभव प्राप्त झाल्याची आख्यायिका आहे. त्याच देवीचे हसरूल येथील मंदिर पूर्वाभिमुख आहे. मंदिराच्या गाभार्‍यापासून कळसापर्यंतची उंची 30 फूट आहे. समोर छोटासा 10 फूट उंचीचा सभामंडप आहे. मंदिराच्या बाजूला लक्ष्मीनारायणाचे मंदिर आहे.

काळ्या पाषाणाची मूर्ती : मंदिरातील हरसिद्धी देवीची मूर्ती संपूर्णत: काळ्या पाषाणाची, साधारणपणे तीन फूट उंचीची उभी अशी आहे. ही देवी चतुभरुज असून, तिच्या हातात शंख, चक्र, शस्त्र, तलवार आहे. देवीसमोरच महादेवाची मोठी पिंड आहे. मंदिरासमोरच चंद्रकुंड आहे.मंदिराच्या उजव्या बाजूस दत्तात्रयांचे छोटेसे मंदिर आहे. पाताळेश्‍वराच्या मंदिरात पाण्यात असणारी शंकराची पिंड आहे. या मंदिराच्या उजव्या बाजूस सूर्यकुंड असून, त्याच्यासमोर रेणुकामातेचे छोटेसे मंदिर आहे. 
हरसिध्दी माता हर्सुल येथे कसे पोहचायचे याचा गुगल मॅप आम्ही खाली देत आहोत.



औरंगाबाद मेट्रो ऑनलाईन मिडिया, औरंगाबाद

===============================================================

a) All above content are copyright of respected owners
b) Please inform us if you have objection on any post
ADVERTISE WITH US !!!! 
- Thanku for Visiting http://www.aurangabadmetro.com 
- Join our Facebook Page https://www.facebook.com/AurangabadTravels
- Publish your unique Travel articles send them to ctindia2009@gmail.com 
- Advertise on This website contact ctindia2009@gmail.com 
- READ RELATED POST CLICK BELOW LINK

No comments